Pareha di polis ku a fayesé na kapitolio a demandá Trump

WASHINGTON – Dia 6 di yanüari di aña 2021 simpatisadónan di Donald Trump a kometé fayo monumental di invadí Capitolio na Washington.
E motibu di e invashon tabata pa stroba Mike Pence vise presidente di Merka nominá Joe Biden komo presidente di Merka.
Durante momentu ku simpatisadónan di Trump a invadi Capitolio i kousa bastante destrukshon algun persona a keda seriamente agredí.
Den e kaso aki un agente polisial identifiká komo Brian Sicknick a keda ataka i maltratá pa dos persona ku yama Julian Khater i George Tanios.
Segun informashon di e investigashon Julian Khater i George Tanios ku ta simpatisadónan di Trump a agredí Brian Sicknick seriamente i pa despues spùit su propio Pepper Spray den su kara.
Esaki a kondusí ku un dia despues di e asalto ku agente polisial Brian Sicknick a bin fayesé.
Sandra Garza pareha di Brian Sicknick a demanda Donald Trump, Julian Khater i George Tanios huntu ayera komo esnan responsabel direktamente pa morto di Brian Sicknick.
Abogadonan ku ta representá Sandra Garza a demanda Donald Trump, Julian Khater i George Tanios Brian kada unu pa $10 mion.
.