Pareha a sali mal perhudiká den venta di kas despues di divorsio

WILLEMSTAD. No mas ku ayera e korant aki a elatá e ‘rompekabesa’ finansiero ku divorsio ta trese kune i praktikamente mesun siman tabatin otro kaso kaminda mester a reparti produkto di benta di un kas pasobra e pareha a divorsiá:
Solamente ku e pareha a divorsiá mas ku 13 aña pasá i e muhé a bai biba otro kaminda lagando e kas na enkargo dje homber:
Awor ku e èks ke bende e kas, e ke kobra e homber hür pa tur e añanan ku e kas tabata na su enkargo.
E homber no ke paga pasobra e tabata biba serka otro muhé pero esei no ta kita ku e kas tbaata na su disposishon.
Den un veredikto preliminar a diskuti kkon tin ku reparti produkto di venta dje kas.
E manera mas fasil ta pa bende e kas i parti e plaka den nan dos pero kitando 25.000 florin di balor dje kas pasobra e ta den mal estado.
Gastunan pa bende e kas i gastu dje taksateur tambe tin ku kita for di e sèn di venta ku nan a fiha riba 175.000 florin minus e 25.000 florin pa mal estado.
Wes a disidi ku por kuminsa pa ofrese e kas na venta pa 150.000 florin pero e èks señora a relamá ku den tal kaso mester pag’e 132 luna di hür for di 2005 bin ariba.
E argumento dje homber ku e no tabata biba den e kas sino serka otro muhé wes a pone un banda pasobra ta awor numa e muhé a bin ku e eksigensha i un demanda asina ta konta pa solamente 5 aña di forsa retroaktivo. No 13 aña.