PAR: No por permití impreshon di falta di integridat na FKP

WILLEMSTAD – Frakshon di Partido PAR den Parlamento, ke pa direktiva di Fundashon Kas Popular i minister Charles Cooper, presenta den Parlamento pa aklara informashonnan enkuanto rumornan di e insistuto ku ta sirkulá. Segun parlamentario pa PAR. Ana Maria Pauletta, por a tuma nota di un situashon ku a surgi kaminda ku duna terenonan huurkoop na kompanianan ku ta supuesto amigunan di minister Cooper òf dirigentenan di FKP.
Pauletta bisa ku ta pesei, frakshon di PAR ke pa minister bai splika Parlamento, hopi kla pa evitá ku tin duda di integridat di un Fundashon di gobièrnu kiko presis a tuma luga relashoná ku e desishon aki.
Pauletta a bisa ku pais ta pasando den un situashon ku ta hopi prekario. E finansanan ta delikado, ekonomia ta delikado. ‘Esaki ta pone ku nos no por permiti ku tin sentimentunan di falta di integridat den nos fundashonnan di gobièrnu’.
PARLAMENTO
Parlamentario Pauletta a indika ku su frakshon a tuma nota di deklarashon di minister Cooper den prensa, pero ku komo representante di pueblo e kaminda ku minister Cooper mester duna informashon ta den sala di parlamento. ‘’Ta importante pa nos komo miembronan di parlamento haòa informashon kla i transparente ta kiko a bai robes’’.
Segun Ana Maria Pauletta, tin 7 mil hende ta warda pa haòa un kas i tin mas ku 6 míl hende ta riba lista pa haòa un tereno, mientras ku tin algun míl hende inskribi na FKP, mientras ku tin un negoshi nobo, den menos ku 1 luna, ta haòa un kontrakt pa un tereno di pais. Ta pesei mester di un splikashon di parti di Fundashon Kas Popular.
Ana Maria Pauletta, no ta duda ku na momentu ku ta kuestioná integridat di FKP, ku ta aklara kiko ta bai robes den e instituto. Banda dje informashon ku frakshon di PAR ke haòa tokante di e kaso spesifiko aki, PAR ke risibi splikashon enkuanto e kuentanan anual di FKP ku tampoko no ta kla ainda. Ora ku Parlamento a pasa e akuerdo di maneho entre gobièrnu i FKP, a palabra ku ta finalisa e kuentonan den termino di 1 aòa,segun Pauletta. Teniendo kuenta ku e asuntunan aki e parlamentario pa PAR, no ta kere ku FKP lo ninga pa bai Parlamento. Si esaki ta e kaso tog, Pauletta ta konvensi ku komo minister responsabel, minister Charles Cooper na nomber di FKP lo akudí na Parlamento pa duna e splikashonnan.