Papa ta nombra e susesor di Kardinal Sarah den Vatikano

Pa Miguel Pérez Pichel | ACI Prensa

Papa Francisco a nombrá Mons. Arthur Roche Prefekto nobo di e Kongregashon pa e Kulto Divino i Disiplina di Sakramentonan. E lo sustituí Kardinal Robert Sarah, ken a renunsiá pa motibu di edat ku Tata Santu a aseptá 20 di febrüari 2021.

Mons. Roche ta Arsobispu -Obispu di Leeds i, te ku awor, tabatin e kargo di Sekretario di e Kongregashon pa e Kulto Divino i Disiplina di Sakramentonan.

Asina mes, Papa a nombra tambe Mons. Vittorio Francesco Viola, O.F.M., Sekretario di e Kongregashon. Te na e momento, Mons. Vittorio Francesco Viola tabata Obispu di Tortona i, for di awor, lo tin e título di Arsobispu -Obispu Emérito di Tortona.
Ademas, e Pontífise a nombra tambe Sup Sekretario di e Kongregashon Mons. Aurelio García Marcías, te awor Hefe di Ofisina di e Kongregashon. E kargo tin karakter episkopal, pesei el a risibí e Sede titular di Rotdon.

Mons. Arthur Roche a nase dia 6 di mart 1950. El a risibí e órden saserdotal na 1975. El a lisensiá den teologia na e Universidat Pontifisio Gregoriano di Roma. Na 1996 e ta risibí nombramentu di Sekretario General di e Konferensiá Episkopal di Inglatera i Gales.
Papa San Huan Pablo II a nombr’é na 2001 Obispu Ousiliar di Westminster. Un aña mas despues , e ta ser nombrá Obispu koadjutor di Leed, pa kua sede el a accedió komo Obispu titular dor di koadjutoría na aña 2004.