Papa Fransisco: Ta evitá di risibí Alberto Fernandez presidente di Argentina na Vatikano

BUENOS AIRES – Gabriela Cerruti bosero di gobiernu na Argentina a konfirmá ku presidente Alberto Fernández lo ta di gira na algun pais den Europa.
Gabriela Cerruti a splika ku e promé parada di Alberto Fernández ta pa topa ku Pedro Sánchez presidente di Spaña.
Despues Alberto Fernández lo biaha pa Fransia kaminda elo tin ku reuní ku Emmanuel Macron i finalmente pa Italia kaminda e tin ku reuní ku presidente Sergio Mattarella i su promé minister Mario Draghi.
Komo kompatriota Argentino Alberto Fernández tabatin intenshon pa reuní ku Papa Fransisco tambe na Vatikano.
Pero segun Gabriela Cerruti representantenan di Vatikano a informá ku Papa Fransisco ta sufriendo di kebrante di salu i ku lo no por risibí Alberto Fernández.
Santiago Cafiero Minister enkargá ku e kartera di Asuntunan Eksterior di Argentina a trata na drenta den kontakto ku representante di Papa Fransisco i ku a indika ku bou di ningun sirkunstansia e Sumo Pontifice por reuní ku presidente Alberto Fernández.