Papa Fransisco a pidi: Empresarionan na Italia paga nan belasting i krea mas kupo di trabou

ROMA -Papa Fransisco tabatin un mensahe importante ayera pa empresarionan na Italia debí ku e pais ta pasando den un krísis finansiero.
Un di e motibunan segun Papa Fransisco ku e pais ta keda den krísis ta debí empresarionan no ta paga nan belasting debidamente.
Papa Fransisco a splika ku ta hopi importante ku den e mundu moderno aki ku mester paga gobièrnu belasting pa asina nan por kumpli ku nan obligashonnan manera paga nan empleadonan públiko i atendé ku otro kompromisonan.
Algu ku Papa Fransisco a indiká ta ku empresarionan mester tene bon kuenta kuné ta krea kuponan di trabou pa e hóbennan i para ku e abuso laboral.
Lokual ku Papa Fransisco ta referí na dje ta ku pakto fiskal ta e kurason di e pakto sosial.
Sin trahadó un empresario no tin empresa i ta p’esei e mester trata su empleadonan bon pa asina keda konsistente.