Papa Francisco ta splika kon komportá bo mes dilanti problemanan kreá denter di e komunidat

Pa Miguel Pérez Pichel | ACI Prensa

Papa Francisco a destaká e moda den kua San Pablo tabata komportá nan mes dilanti de problemanan ku a surgi denter di e komunidat kristian, sin para den e superfisie, “manera hopi be nos ta ser tentá”.
Durante e Oudiensia General ku el a selebrá djarason 30 di yüni den e patio di San Dámaso di e Palasio Apostóliko, e Pontífise a sigurá ku e aktitut aki di e apòstel, di sigui e kaminda mas difísil, “tambe ta indiká nos kon komportá nos mes ora ta krea konfliktonan denter di e komunidat”.
Papa Francisco a reflekshoná den su katisashi tokante e Karta na Galatanan kaminda apòstel Pablo “e no ta stòp di señalá su preokupashon p’asina ku e galatanan ta sigui e kaminda korekto: ta e preokupashon di un tata, ku a generá komunidatnan den fe”.
“Su intenshon ta mashá kla: ta nesesario reafirmá e novedat di e Evangelio, ku e galatanan a risibí di su predikashi, pa konstruí e berdadero identidat riba kua bo ta haña e propio eksistensia”, e Tata santu a splika.

E apòstel, Francisco a kontinuá, “tambe ta indiká nos kon komportá nos ora ta krea konfliktonan denter di e komunidat”.
Den e Karta na Galatanan “e núkleo di