Papa Francisco ta instalá e ministerio laikal di katekista

Por Mercedes de la Torre | ACI Prensa

Papa Francisco a instituí e ministerio laikal di katekista ku e karta apostóliko den forma Motu proprio “Antiquum ministerium” (antiguo ministerio) enkua el a pidi e elaborashon di un itinerario di formashon, deskripshon di e kriterionan normativo pa entrada na e ministerio i publikashon di e rito di institushon di tal ministerio laikal.

E Motu proprio aki a ser firmá dor di Tata Santu den e memoria litúrgiko di San Juan di Ávila i a ser publiká pa Vatikano djamars 11 di mei 2021.

Den e karta apostóliko “Antiquum ministerium” Papa Francisco a deskribí kon e ministerio di katekista den Iglesia ta mashá antiguo pues “e promé ehemplonan tei den skrituraan di Tèstamènt Nobo” i a destaká ku “for di su orígennan, e komunidat kristian a eksperimentá un amplia forma di ministerialidat ku a konsentrá den e servisio di hòmbernan i muhénan ku, obediente na e akshon di Spiritu Santu, a dediká nan bida na edifikashońn di Iglesia”.

“Un mirada na e bida di e promé komunidatnan kristian ku a komprometé nan mes den divulgá i desaroyo di Evangelio, tambe awe ta insistí na Iglesia pa komprendé kua por ta e ekspreshonnan nobo ku kua ta kontinuá siendo fiel na e Palabra di Señor pa laga su Evangelio yega na tur kriatura”, el a indiká.

Den e liña aki, Papa a suprayá ku “henter historia di evangelisashońn di e dos milenionan ta mustra ku gran evidensia lo efikas ku mishon di e katekistanan tabata” ya ku “obispunan, saserdotenan i  diákononan, huntu ku tantu persona konsagrá, hòmber i muhénan, a dediká nan bida na e siñansa katekétiko a fin di ku e tabata un apoyo bálido pa e eksistensia personal di kada ser humano”.

Ademas, e Tata Santu a atvertí ku “no por lubidá e innumerabel laikonan ku a partisipá direktamente den divulgá e Evangelio atraves di e siñansa katekístiko. Hòmber i muhénan animá pa un gran fe i testigunan outéntiko di santidat ku, den algun kaso, tabata ademas fundadónan di Iglesianan i e a yega inkluso na duna nan bida”.

Den e sentido akí, Papa a rekordá ku “e lista largu di beatonan, santunan i mártirnan katekista a marka mishon di Iglesia, ku meresé ser konosí pasobra e ta forma un fuente fértil no únikamente pa katisashi, sino pa henter historia di e spiritualidat kristian”.

Asina mes, e Tata Santu a suprayá ku “e mishońn propio di e Obispu ta di ser e promé katekista den su Diósesis huntu ku e presbíterio, ku kua e ta kompartí e mesun  cura pastoral, i na e partikular responsabilidat di e mayornan respekto e formashon kristian di nan yunan” i a añadí ku tambe  “ta nesesario rekonosé presensia di laikonan ku, den virtut di e propio boutismo, ta sinti nan yamá pa kolaborá den servisio di e katisashi”.

Mirando esaki, Papa a deskribí ku e katekista “ta yama na promé lugá pa  manifestá su kompetensia den e servisio pastoral di transmishońn di fe, ku ta desaroyá den su diverso etapanan: for di e promé anunsio ku ta introdusí na kerygma, pasando dor di e siñansa ku ta oumentá e konsiensia di e bida nobo den Kristu i ta prepará en partikular pa e sakramentonan di inisiashon kristian, te na e formativón permanente ku ta permití na kada un ku a batisá di ta semper dispuesto na una kontesta na tur loke hende ta pidi pa duna rason di nan speransa”.

Na mesun tempu, e Tata Santu a destaká ku e katekista tambe ta “testigu di fe, maestro i mistagogo, kompañero i pedagogo ku ta siña na nòmber di  Iglesia” ta pesei ta nesesario ku e ta ser realisá “ku koherensia i  responsabilidat mediante orarión, estudio i partisipashon direkto den bida di e komunidat”.

Tokante e ministerio nobo laikal di katisashi, Papa a señalá ku “e ta pone mayor éénfasis na e kompromiso misionero propio di kada persona batisá, ku e todo kaso mester sosedé di forma plenamente sekular sin kai den ningun ekspreshon di klerikalisashon”.

Ta pesei, e Tata Santu a indiká ku e ministerio akí “ta poseé un balor vokashonal fuerte ku ta rekerí e debido disernimientu di parti di e Obispu i ku ta ser probá ku e Rito di Institushon” i a agregá ku ta trata di “un servisio stabil ku ta ser fia na e Iglesia lokal segun e nesesidatnan pastoral  identifiká pa e Ordinario di e lugá, pero realisá di manera laikal manera e naturalesa mes di e ministerio ta eksigí”.

“Ta kumbiniente ku na e ministerio instituí di katekista sea yamá hòmber i muhénan di fe profundo i madures humano, ku ta partisipá aktivamente den e bida kristian, ku por ta amabel, generoso i ta biba den komunion fraterno, ku ta risibí e debido formashon bíbliko, teológiko, pastoral i pedagógiko pa ser komunikadornan atento di e bèrdat di fe, i ku a atkerí ya un eksperensia previo di katisashi”, el a splika.

Di e moda akí, Papa a atvertí ku ta rekerí ku e katekístanan “sea fiel kolaboradornan di saserdotenan i diákononan, dispuesto na ehersé e ministerio kaminda ta nesesario, i animá pa un berdadero entusiasmo apostóliko”.

Finalmente, e Tata Santu  pidi e Kongregashon p e Kulto Divino i Disiplina di Sakramentonan pa publiká en breve e Rito di Institushon di e ministerio laikal di katekista; na e Konferensianan Episkopal “pa hasi efektivo e ministerio di katekista, establesiendo e nesesario trayekto di  formashon i kriterionan normativo pa haña entrada na dje, hañando e formanan mas koherente pa e servisio ku nan lo ta yamá pa realisá den konformidat ku loke ta ekspresá den e karta apostóliko akí”.