Papa Francisco: Ta inakseptabel manipulá hechonan pa haña nulidat matrimonial

Pa David Ramos | ACI Prensa

Papa Francisco a atvertí ku “ta inakseptabel” un “alterashon òf manipulashon deliberá” di hechonan pa haña un nulidat matrimonial.
Den su Oudiensia ku e huesnan di e Tribunal de la Rota Romano ku motibu di inougurashon di e Aña Hudisial, djaweps 27 di yanüari, segun Vatican News ta informá, e Tata Santu a señalá ku maske “den e huisio tin

“Meskos ku den otro terenonan di e trabou pastoral, tambe den e aktividat hudisial ta nesesario favoresé e kultura di skuchamentu, ku ta un kondishon pa e kultura di enkuentro”, el a indiká.
Papa Francisco a enfatisá ku “e kontestanan stándart na e problemanan konkreto di personanan ta perhudisial. Kada persona, ku su eksperensia, hopi be marká pa e doló, ta forma pa e hues eklesiástiko e ‘periferia eksistensial’ konkreto for di kua tur akshon pastoral hudisial mester move”.
“Den e sentido akí, den boso akshon komo ministronan di e tribunal nunka mester falta un kurason pastoral, e spiritu di karidat i komprenshon pa ku personanan ku ta sufri bou di e frakaso di nan bida matrimonial”.
E Tata Santu a señalá ku “resultado di e kaminda akí ta e sentensia, fruta di un kriterio kuidadoso ku ta kondusí na un palabra outorisá di e bèrdat tokante e eksperensia personal, destakando asina e kamindanan ku por habri saliendo di einan”.
“Ta pesei, e sentensia mester ta komprensibel pa e personanan impliká: únikamente asina e lo kombertí den un momento di relevansia espesial riba nan kaminda humano i kristian”, el a ekspresá.