Papa Francisco: Ta e Spiritu ken ta guia Iglesia, “nos ta yamá na obedesé”

Pa Miguel Pérez Pichel | ACI Prensa

Papa Francisco a rekordá den su katisashi di e Oudiensia General di djarason 27 di òktober den e Oula Pablo VI di Vatikano ku ta Spiritu Santu “ken ta guia Iglesia i nos ta yamá na obedesé su akshon, ku ta ekstendé unda i kon E ke”.
Den su enseñansa, e Pontífise a kontinuá ku e komentario di e Karta na Galatanan di San Pablo. Francisco a señalá ku, igual ku e galatanan, awe tambe “tin hopi ku ta buska e sertesa religioso na lugá di e Dios bibu i berdadero, sentrando nan mes den ritualnan i preseptonan na lugá di brasa e Dios di amor ku tur nan ser”.
“Esaki ta e tentashon di e fundamentalistanan nobo, esnan ku ta parse di tin miedu pa avansá riba e kaminda i ta bai patras pasobra nan ta sinti nan mes mas sigur. Nan ta buska seguridat di Dios i no e Dios di seguridat”.
Ta pesei, “Pablo ta pidi e galatanan pa bai bek na lo esensial, na Dios