Papa Francisco: Semper nos por konta ku orashon di Hesus

Den e Oudiensia General di djarason 2 di yüni, Papa Francisco a destaká ku “semper nos por konta ku orashon di Hesus”.
Despues di saludá e numeroso fielnan reuní den e patio di San Dámaso di Vatikano, e Tata Santu a dediká su katisashi na e tema: “Hesus komo modelo i alma di tur orashon” i a splika ku “e desishonnan grandi den e mishon di Hesus ta ku semper e ta bai ku un orashon intenso, ku e orashon prolongá”.
“Semper den e momento ei, tin orashon. E prueba di fe akí parse un meta, pero en kambio e ta un punto di salida renobá pa e disípulonan, pasobra, for di e ora ei, e ta manera si Hesus lo a subi un tono den su mishon, papiando abiertamente di su pasioìn, morto i resurekshonìn”, Papa a afirmá.
Den e liña aki, e Tata Santu a indiká ku “kontinuamente ta bolbe aparesé den bida di Hesus e orashon na fabor di su amigunan” i a agregá ku “tin be e apòstelnan ta kombertí den motibu di preokupashonìn, pero Hesus, asina manera El a risibí nan di Tata, asia e ta karga nan den su kurason, inkluso den su erornan, inkluso e su kaidanan”.
“Ku su aktitutnan i ku e testimonio di su orashon perseverante, Hesus ta revelá su mes komo maestro i amigu. E, apesar di erornan i kaidanan di su disípulonan, ta spera ku pasenshi nan kombershon i ta roga pa nan na Tata, p’asina ku nan ta keda banda di djE den e pruebanan i no ta pèrdè e fe.”, Papa a atvertí.
Ta pesei, e Tata Santu a para ketu den algun página di e Evangelio ku “ta revelá nos e importansia di orashon den bida di Hesus i den su relashon ku su disípulonan” i a añadí ku “Hesus ta e modelo perfekto i esun ku ta resa: E ke pa nos siña na resa manera E i ta siña nos ku su palabranan i ku su ehemplo”.
Ademas, Papa Francisco a suprayá ku “Hesus ta sigurá nos ku, maske nos ta sinti u nos orashonnan ta bashí òf inefikas, E no ta bandoná nos, E ta semper na nos banda. E ta resa den nos i ku nos. E ta intersedé na nos fabor i ta enkurashá nos pa ku nos ta perserverá den orashon, prinsipalmente den e momentonan mas difísil di nos kaminda, pasobra ta Su orashon ta loke ta hasi ku nos humilde petishonnan sea efikas i ta yega te na shelu”.

Den e sentido akí, e Pontífise a komentá algun pasashi di e Evangelio di San Lukas. Manera e elekshon di e diesdos apòstelnan despues di pasa henter anochi den orashon; e Último Sena ora E ta bisa Pedro ku El a resa pe ora E ta bisa Pedro ku El a resa pe p’asina ku su fe no ta floha; i e episodio di Transfigurashon.
“Di e rápido rekorido akí dor di e Evangelio, nos ta dedusí ku Hesus no ke pa nos resa manera E ta resa, sino ku E ta sigurá nos ku, aunke nos intentonan di orashon sea kompletamente bashí i inefikas, semper nos por konta ku su orashon. Nos mester ta konsiente: Hesus ta resa p’ami”, el a indiká.
Despues, Papa a improvisá pa destaká ku inkluso si un persona a kometé hopi piká, Hesus ta kontinuá na resa pasobra “amor di Hesus, orashon di Hesus, pa kada un di nos no ta stòp”.
“Esaki nos mester hiba semper den e memoria. Hesus ta resa p’ami , e ta resando awor dilanti Tata i ta laga mira e heridanan ku e ta karga kuné pa laga Tata mira e preis di nos salbashon, e amor ku E tin pa nos. Den e momento akí kada un ta pensa, den e momento akí Hesus ta resando p’ami? Sí. Esaki ta un gran seguridat ku nos mester tin”, el a añadí.
Di e moda akí, Papa a afirmá ku “orashon ta e úniko fuente di lus i forsa” pa loke “ta nesesario resa mas intensamente, kada be ku e kaminda bira mas stèil”.
Ta pesei, e Tata santu ta invitá pa no lubidá ku “loke ta sostené kada un di nos den bida ta orashon di Hesus pa kada un di nos, ku nòmber i fam, dilanti Tata, lagando E mira e heridanan ku ta e preis di nos salbashon”.
“No lubidá: Hesus ta resando p’ami. Awor? Awor. Den e momentonan di prueba? Sí. Den e momento di piká? Tambe den e momento ei Hesus ta resando p’ami”, Papa a konkluí.