Papa Francisco: “Nos ta santu i hustu dor di Kristu, pero sin obra e hustisia akí ta morto

Pa Miguel Pérez Pichel | ACI Prensa

Papa Francisco a afirmá ku, dor di morto i resurekshon di Kristu, humanidat a ser liberá, el a keda hustifiká, pero a rekordá ku obranan ta esensial p’asina ku e ta alimentá e hustifikashon akí: “Nos ta hustu. Permití mi e palabra: nos ta santu, den e base. Despues, ku nos aktuashon nos ta bira pekadornan, pero den e base, nos ta santu”.
“Hustifikashon, si e no floresé ku nos obranan, e lo keda einan, bou di tera, manera morto. E tei, pero nos mester aliment’é ku nos obranan”, el a insistí.

E Pontífise a realisá e enseñansa akí durante e Oudiensia General di djarason 29 di sèptèmber, ku el a selebrá den e Oula Pablo VI di Vatikano i kaminda el a kontinuá ku serie di katisashi tokante e Karta di San Pablo na Galatanan.
E Tata Santu, den su katisashi, a splika kiko ta hustifikashon. El a señalá ku “nos, pekadornan, a ser trahá hustu. Ken a hasi nos hustu? Kristu. E proseso di kambio akí ta hustifikashon. Nos, dilanti di Dios, ta hustu. Ta bèrdat, nos tin nos pikánan personal, pero den e base nos ta hustu. Esaki ta hustifikashon”.

Papa a splika ku talbes algun persona por refutá: “Pader, ami ta hustu pasobra mi a kumpli ku tur e Mandamentunan”. “Sí, pero hustifikashon no ta bini di einan. E ta bini mas promé. Un persona a

“Laga nos sigui padilanti ku e konfiansa akí. Nos tur a ser hustifiká, nos ta hustu den Kristu. Nos mester implementá e hustifikashon akí”, Papa Francisco a konkluí.