Papa Francisco: “Libertat ta un tesoro ku ta ser apresiá ora bo pèrd’é”

Pa Miguel Pérez Pichel | ACI Prensa

Papa Francisco a hasi un yamada na kristiannan pa mantené nan mes den e libertat ku Kristu a otorgá pa medio di su morto i resurekshon.
Den e katisashi ku el a pronunsiá djarason 6 di òktober durante e Oudiensia General ku el a selebrá den e Oula Pablo VI di Vatikano, e Tata Santu a señalá ku “libertat ta un tesoro ku ta ser apresiá realmente únikamente ora bo pèrd’é”.
“Pa hopi di nos, ku a kustumbrá na biba den libertat, hopi be e ta aparesé mas komo un derecho atkirí ku komo un don i un herensia pa protehá”, e Pontífise a señalá. “Kuantu malkomprendementu rondó di e tema di libertat, i kuantu vishon diferente nan a konfrontá a lo largu di siglonan!”.
Papa a basa su enseñansanan riba e karta di San Pablo na Galatanan, kaminda e ta splika ku “e apòstel no por a soportá ku e kristiannan ei, despues di a konosé i aseptá e bèrdat di Kristu, a laga nan ser atraé pa proposishonnan engañoso, pasando di libertat pa sklabitut, di e presensia liberador di Hesus pa sklabitut di piká, di legalismo”.
Den e sentido akí, el a atvertí ku “awe tambe legalismo ta un problema pa nos, di tantu kristian ku ta buska refugio den legalismo”. En kambio, “e kristian ta liber, e mester ta liber.