Papa Francisco: E úniko yamada den Evangelio ta sigui Hesus riba e kaminda di amor

Pa Mercedes de la Torre | ACI Prensa

Den e Oudiensia General di djarason 5 di mei 2021, Papa Francisco a splika ku e gran yamada den e Evangelio ta konsistí den “sigui a Hesus riba e kaminda di amor” ku ta “e tòp i sentro di tur kos”.

Asina e Tata Santu a bisa na ora di dediká su katisashi semanal na e orashon di kontemplashon, den kua e ta deskribí ku no ta eksistí contraposición entre praktiká karidat i kontemplá.

“Tin un úúniko gran yamada, un gran yamada den e Evangelio, i e ta di   sigui Hesus riba e kaminda di amor. E ta e tòp i sentro di tur kos. Den e sentido akí, karidat i kontemplashon ta sinónimo, nan ta bisa mesun kos”, Papa a señalá.

Ta pesei, e Pontífise a menshoná ku San Huan de la Cruz “a sostené ku un akto chikí di amor puro ta mas útil pa Iglesia ku tur sobra obranan huntu”.

“Loke ta nase di orashon i no di e sospecho di nos ami, loke ta purifiká pa humildat, inkluso si e ta un akto di amor apartá i silensioso, e ta e milager mas grandi ku un kristian por realisá. I esaki ta e kaminda di orashon di kontemplashon: ami ta mir’é, E ta mira mi. I einan, den e akto akí di amor, diálogo silensioso ku Hesus, ta hasi hopi bon na Iglesia”, Papa a añadí.

Sin embargo, e Tata Santu a atvertí ku esnan ku ta biba den siudatnan grandi ta kore e riesgo di pèrdè e kapasidat di kontemplá i a sita e promé karta pastoral ku Carlo María Martini  a skirbi den sèptèmber 1980 ora el a ser mandá komo arsobispu na Milán. Den e teksto, “e dimenshon kontemplativo di bida”, Martini a skirbi ku “en bèrdat, esun ku ta biba den un siudat grandi, kaminda tur kos ta artifisial i funshonal, ta kore e riesgo di pèrdè e kapasidat di kontemplá. Kontemplá no ta na promé lugá un forma di hasi, sino un forma di ser”.

Den e liña akí, Papa Francisco a agregá ku “ser kontemplativo no ta dependé di wowonan, sino di e kurason. I aki orashon ta drenta den wega, komo hecho di fe i di amor, komo ‘respirashon’ di nos relashon ku Dios. Orashon ta purifiká e kurason, i ku esaki, ta aklará tambe e mirada, permitiendo akohé e realidat for di otro punto di bista”.

Dilanti esaki, e Tata Santu a suprayá e diferensia entre orashon kontemplativo i “dimenshon kontemplativo di e ser humano” ku ta “un poko manera e ‘salu’ di bida: e ta duna sabor, e ta duna smak na nos dianan” i añadí ku “ku por kontemplá mirando solo saliendo mainta, òf e palunan ku ta bira bèrdè den primavera; por kontemplá skuchando músika òf e kanto di paranan, lesando un buki, dilanti di un obra di arte òf e obra maestra ku ta e kara humano…”.

En kambio, Papa a splika ku orashon di kontemplashon ta transformá e kurason pasobra “tur kos ta nase di einan: di un kurason ku ta sinti ku e t ser mirá ku amor. E ora ei e realidat ta kontemplá ku wowonan diferente”.

Ta pesei, e Tata Santu a sita Katisashi di Iglesia Katóliko ku ta deskribí ku “orashon kontemplativo ta mirada di fe, fihá den Hesus” i a rekordá e testimonio di un kampesino na Santu Saserdote di Ars ku a bisa: “Ami ta mir’é i E ta mira mi” na ora di referí na e momento ora e tabata resa dilanti e Tabernakel.

Asina mes, Katisashi di Iglesia Katóliko ta deskribí den  number 2715 ku “e lus di kara di Hesus ta iluminá e wowonan di nos kurason; i ta siña nos pa mira tur kos den lus di Su bèrdat i Su miserikòrdia pa tur hende”.

“Ami ta mir’é i E ta mira mi!”. E ta asina: den kontemplashon amoroso, típiko di orashon mas íntimo, no ta nesesario hopi palabra: basta un mirada, basta ku ta kombensí di ku  nos bida ta rondoná di un amor grandi i fiel di ku nada lo por separá nos”, Papa a añadí.

Den e sentido akí, e Tata Santu a señalá ku Hesus tabata maestro di e mirada akí pasobra “den su bida nunka no a falta tempunan, espasionan, silensionan, e komunion amoroso ku no ta laga eksistensia ser destruí pa pruebanan inevitabel, sino pa mantené e beyesa intakto” i a agregá ku “su sekreto tabata e relashon ku e Tata selestial”.

Di e moda akí, e Pontífise a reflekshoná den e pasashi di e Evangelio di San Marko ku ta deskribí e Transfigurashon i a destaká ku “E Evangelionan ta koloká e episodio akí den e momento krítiko di e mishon di Hesus, ora ta krese rondó di dje protesta i rechaso. Inkluso entre su disípulo no ta komprond’É i ta bai; un di e diesdosnan ta warda pensamentunan di traishon. Hesus ta kuminsá na papia abiertamente di e sufrimentunan i di e morto ku tabata sper’É den Herusalèm”.

“Den e konteksto akí Hesus ta subi bai den tòp di e seru ku Pedro, Hakobo i Huan. I e ta transfigurá dilanti di nan, i su bisti a bira resplandesiente, blanku, tantu ku ningun wasmashin riba era lo ta kapas pa hasié blanku di e moda akí”, Papa a sita.

E Tata Santu a destaká ku “den e momento de kua Hesus ta ser komprendé robes, presisamente ora tur kos tabata parse na bruha den un warwarú di  malkomprendementu, ta einan ku un lus divino ta resplandesé. E ta e lus di  amor di Tata, ku ta yena kurason di e Yu i ta transfigurá henter su Persona”.

Por último, e Pontífise a atvertí ku den pasado algun maestro di spiritualidat “a komprendé kontemplashon komo opuesto na akshon, i a eksaltá e vokashonnan akí li ta hui di mundu i di su problemanan pa dediká su mes  kompletamente na orashon” pa loke el a konkluí ku “en realidat, den Hesukristu, den su persona i den Evangelio, no tin rivalidat entre kontemplashon i akshon”.

“Den e Evangelio, den Hesus, no tin kontradikshon. E por bini di e influensia di algun filósofo neoplatóniko, pero seguramente ta trata di un dualismo ku no ta pertenesé na e mensahe kristian”, Papa a afirmá.