Papa Francisco a yega Canada: Pa pidi e pueblo indígena pordon pa e abusu ku pastornan di Iglesia Katóliko a kometé

EDMONTON – Papa Francisco a biaha pa Canada ayera i tin programa pa enfrentá e pueblo indígena kara kara pa abuso kometé pa pastornan di iglesia katóliko.
Durante e biahe di Italia pa Edmonton Papa Fransisco a informá e periodistanan ku su bishita na Canada lo bai dura 6 dia.
Papa Fransisco i su delegashon lo keda Edmonton dos dia despues lo biaha pa Quebec City i finalmente Iqaluit.
E ophetivo prinsipal di Papa Fransisco su bishita na Canada ta pa atendé ku lokual pastornan di Iglesia katóliko a hasi ku e pueblo indígena den siglo XIX.
Tin indikashon ku den siglo XIX mas ku 150.000 mucha indígena a keda separá di nan famia di un manera obligá pa asistí na skolnan residensial finansiá pa gobièrnu i ku tabata keda dirigí pa iglesia Katóliko.
Randy Ermineskin hefe di Ermineskin Cree Nation na Edmonton a bisa ku e último skol di e tipo aki a sera na 1990.
E studiantenan indígena tabata sufri abuso seksual, sikológiko i físiko i tabata obligá pa no papia nan idioma. Algu horibel den e kaso aki ta ku a identifiká un total di 3.200 mucha indígena ku a keda dera den pasando pero nunka a hasi outopsia di parti outoridatnan na Canada.