Papa: E katekista lo ta parti di e ministerionan di Iglesia

Ary Waldir Ramos Díaz – 

Un Motu proprio nobo di Papa Francisco lo establesé formalmente e ministerio di evangelisashon di laikonan den katisashi

Papa Francisco ta deseá si konferí un mandato ofisial na e vokashon di e ‘katekista’. Ta pesei, lo publiká e Motu propio Antiquum ministerium ku kua ta krea e ministerio di e katekista.

Esaki lo nifiká presta un servisio rekonosé institushonalmente pa atendé nesesidatnan pastoral di Iglesia den e akshon pa eduká den fe adultonan, hóbennan òf muchanan. Una labor ku normalmente ta ser ehekutá den parokianan dor di hopi laiko, sin algun tipo di ofisialidat.

Ministerionan instruí

E Ofisina di Prensa di Santa Sede a anunsiá ku djamars próksimo 11 di mei 2021, den streaming direkto, for di su sede, lo tuma lugá e  konferensia di presentashon di e karta apostóliko firmá dor di Papa.

Den e konferensia lo intervení: monseñor Rino Fisichella, presidente di e Konseho Pontifisio pa Promoshon di e Evangelisashon Nobo (CPNE) i obispu Franz-Peter Tebartz-van-Elst, delegado pa katisashi di CPNE.

Mester bisa ku un un ministerio ta un servisio konfiá na algun miembro di  Iglesia. Por ehemplo, manera e “ministerionan ordená” ku obispunan, saserdotenan i diákononan ta praktiká. Katekistanan lo ta parti di e ministerionan ’instruí”, ke men e ministerionan di esnan no “ordená”.

E Motu proprio, por tantu, lo establesé formalmente e ministerio di e katekista, desaroyando e dimenshon aki di evangelisashon di laikonan deseá pa Vatikano II. Asina manera ya ta eksistí un institushonalisashon di  akólito, lektor i ministronan di komunion, etc.