Pader Antoon Boks a fayesé

Awe mainta nos a risibí e tristu notisia for di Hulanda ku pader Antoon Boks a fayesé ayera 15 di òktober na edat di 81 aña. E tabata basta tempu malu. Antoon Boks a nase dia 13 di ougùstùs 1940 na Schiedam. El a hasi su profeshon komo Domíniko dia 18 di sèptèmber 1960 i a ser ordená komo saserdote dia 11 di yüli 1966. E tabata misionero pa un tempu kòrtiku na Puerto Rico despues hopi tempu na Antia Hulandes (aruba i Boneiru). El a regresá Hulanda na 2003 pasobra el a ser elegí komo prior d e kombento di Dominikanonan na Huissen. Te ku sèptèmber último e tabata syndicus (ekónomo) di e provinsia Hulandes.
Despues di un kaida ferfelu na 20016 su situashon di salú a bai atras, pero el a keda hasi su tareanan manera e tabata por. El a muri den Rijnstaeteziekenhuis na Arnhem. Despues lo sigui detayenan di su entiero.