Pa Trump i shete funshonario públiko na Texas mester a presentá den korte na Buffalo

NEW YORK – For di luna di mart di aña 2019 un muhé identifiká komo Pascale Cecile Veronique Ferrier prosedente for di Canada a manda karta ku venenu aden pa eks presidente Donald Trump i shete wardadó di presu na un prison na Texas.
Pascale Cecile Veronique Ferrier a kai sera pa posishon di arma na Texas na 2019 i algun luna despues ku ela rekobrá su libertat ela biaha bek pa su pais di orígen ku ta Canada.
Teniendo kuenta ku Pascale Cecile Veronique Ferrier tabata kier a tuma vengansa kontra hustisia merikano a disidí na manda un karta ku venenu aden pa Donald Trump i un total di 7 wardadó di presu una Texas kaminda e tabata enkarselá.
Naturalmente tur karta ku ta bai pa presidente Donald Trump tin ku pasa inspekshon i asina a bin diskubrí ku tabatin supstansia di venenu aden.
Esaki a kondusí ku outoridatnan a bin diskubrí ku Pascale Cecile Veronique Ferrier tabata esun ku a manda mas karta ku venenu aden pa Texas.
E funshonarionan a keda informá di lokual tabata pasando i ku asina evitá ku ningun di nan a habri e karta ku Pascale Cecile Veronique Ferrier a manda pa nan.
Ayera Pascale Cecile Veronique Ferrier mester a presentá dilanti wes na Buffalo New York kaminda a informe ku lo no aseptá ningun fiansa pa su libertat.
Su kaso lo keda trata na komienso di Febrüari.
Pascale Cecile Veronique Ferrier lo por keda kondena na un kastigu di por lo ménos 21 aña di kastigu di prizon pa lokual ela hasi..