Pa outorisá su vakuna kontra COVID-19 pa adolesentenan di entre 12 i 17 aña

NEW YORK – Albert Bourla presidente di Pfizer a solisitá na outoridatnan Sanitario (FDA i CDC) pa outorisá e aplikashon di nan vakuna kontra COVID-19
pa adolesentenan di entre 12 i 17 aña.
E petishon aki a yega nuebe dia despues ku e laboratorio farmaseutiko a anunsiá ku nan a tèst efikasia di e vakuna ku a resultá di ta 100 porshento riba un grupo di adolesente.
Albert Bourla a splika ku dia 31 di Mart ekspertonan di Pfizer a finalisá nan tèstmentu fase 3 pa adolesentenan.
Un total di 2.260 adolesente a keda inyektá ku e vakuna
di Pfizer/BioNtech i efikasia di e vakuna tabata 94%.
Albert Bourla a duna di konosé ku posiblemente Union Europeo lo aprobá uso di e vakuna di Pfizer/BioNtech pa adolesentenan di entre 14 i 17 aña promé ku Merka.
Pfizer/BioNtech ta kla pa produsí un total di 2.500 mion dosis di e vakuna pa e aña aki i gran parti lo ta disponibel pa adolesentenan di entre 14 pa 17 aña bin ariba.