Pa motibu di wèlga general: Presidente di Paraguay a anunsiá ku su gobièrnu lo bai baha preis di kombustibel

ASUNCION – Mario Abdo Benítez presidente di Paraguay a anunsiá ayera ku su atministrashon lo bai supsidiá parti oumento di preis di kombustibel ku asina por trese un alivio bek den komunidat.
Ta for di siman pasa djarason trahadónan ku ta laborá den e industria di transporte a konvoka un wèlga na nivel nashonal.
Durante komienso di e siman shofùrnan ku ta manehá trùknan di karga a blòkia tur via ku tabata kondusí pa drenta kapital di Paraguay debí ku preis di kombustibel ta demasiado haltu.
Mario Abdo Benítez a yega na un akuerdo ku e kompania petrolero estatal Petropar pa entrante awe lo rebaha su preisnan di benta di diesel i gasolin. For di Palacio de López sede di presidente Mario Abdo Benítez a indiká ku Petropar lo bai redusí 500 guaraníes ($0,073 ) for di Diesel i gasolin. Esaki ta nifiká ku pa entrante awe ku e redukshon e preis nobo lo bira pa 1 liter di Diesel lo bira 8.300 guaraníes ($1,21) i pa gasolin di 93 oktan 8.560 guaraníes ($1,24).
Ku e akshon di presidente Mario Abdo Benítez aki a pone ku pa awe mes lo no tin wèlga general ku tabatin ekonomia di Paraguay paralisá.