Pa lokual ta luna di Ougùstùs: Daniel Ortega a laga sera tres Radio na Nicaragua

MANAGUA – Daniel Ortega presidente di Nicaragua via di Telcor (Instituto Nicaragüense de Telecomunicaciones y Correos) a laga kanselá pèrmit di transmishon di otro tres radio emisora.
Esaki ta bai bira un total di 13 Radio Emisoro na Nicaragua ku Daniel Ortega ku no a renová nan pèrmit di transmishon.
E radio emisoranan ku no ta den aire mas e luna aki ta Radio Sky i Radio La Guarachera ku ta propiedatnan di e periodista Anibal Toruño i Radio San Carlos ku ta propiedat di eks alkalde liberal Silvio Linarte.
Tantu Silvio Linarte komo Anibal Toruño a haña nan ta hui for di Nicaragua debí ku Daniel Ortega a emití un orden di aresto kontra nan.
E radionan ku Daniel Ortega a kanselá nan pèrmit ta kontra su régimen i ta p’esei e ta tuma vengansa di e forma aki.
Daniel Ortega ta sea laga vandalisá e medionan di komunikashon of no ta otorgá pèrmit di transmishon.