Pa asesinato di ruman di testigu di hustisia…. Djaweps awor Korte lo trata kaso di asesino Kurasoleño Shurandy

WILLEMSTAD. Djaweps awor na Ulanda Korte di Hustisia penal lo trata e kaso dje asesino antiano Shurandy S., di 40 aña di edat kende dia 29 di mart dje aña’ki a asesiná di forma premeditá ruman di un testigu di estado ‘a charge’ Nabil B. Ku e kaso por a bin dilanti wes asina rapido ta debí ku e asesino a konfesá tur kos pa e kai será numa pasobra den kaya Marokanonan ta busk’é pa mata masha dia.