Internashonal
Pa aliviá preis di kombustibel: Promé minister di Bahamas a pidi Merka pa kita tur e embargonan kontra Venezuela
NASSAU – Phillip Davis prome minister di Bahamas a urgí presidente Joe Biden pa kita tur embargonan ku ta impedí pa Venezuela kuminsá eksportá su petrolio ku e fin di aliviá e impakto di preisnan haltu na nivel global. Phillip Davis a bisa ku su gobiernu ta buskando pa baha belasting i otro rekargonan riba produktonan petrolero i asina supsidiá e pueblo pero a yega un kaminda ku no por hasi nada mas.
Gaston Browne ku ta prome minister di Antigua i Barbuda tambe a hasi mesun petishon na presidente Joe Biden pa laga Venezuela via PetroCaribe kuminsá eksportá petrolio pa e islanan den Caribe.
Tin un solushon den e kaso aki pa e bahada di preisnan haltu di kombustibel segun Phillip Davis ku ta laga Venezuela kuminsá eksportá petrolio.