Outoridatnan na Spaña: A detené muhé ku a kòrta pénis di su hefe ku un kuchú

MADRID – Ayera den oranan di trèmerdia agentenan polisial na e region di Cataluña a logra detené un muhé

ku a keda akusá pa un hòmber di e kòrta su pénis ku un kuchú.

Aparentemente e muhé aki tabata traha komo bartènder na un konosido bar na Cataluña.

Supuestamente e hòmber tabata hefe di e muhé ku a kòrta su pénis pero su nòmber no a keda revelá na medionan di komunikashon.

E muhé ku a keda detené a konfesá na polis ku e motibu dikon ela kòrta e hòmber su pénis ta debí ku e tabata kier a violé i esaki ta trata di un posibel kaso di agreshon seksual.

Den e kaso aki e hòmber ku a keda interná den hospital na Barcelona pa tratamentu médiko pero ku si resultá ku ela trata na violá e muhé aki e chèns ta grandi ku elo por keda detené pa intento di violashon.