Outoridatnan na Panama a logra detené asesino di profesora venesolano

PANAMA – Ayera outoridatnan na Panama a realisá un entrada hudisial na un residensia na un bario rural ku yama Bethania kaminda a detené sospechoso ku a asesiná un dosente venesolano ku tabata duna lès na ingles.
Ta trata aki di un kaso di asesinato di Mairet Domínguez Martínez ku tabata traha komo profesora di Ingles i ku ta oriundo di estado Aragua na Venezuela. E kaso di asesinato a tuma luga dia 18 di yüni último. E sospechoso tabata konosé Mairet Domínguez Martínez debí ku bisiñanan sa tin kustumber di wake bin bishita e víktima.
E último persona ku tabata na apartamento di Mairet Domínguez Martínez tabata e sospechoso aki. No solamente e asesino aki a mata Mairet Domínguez Martínez sino a hòrta su laptop, televishon i joyas i pa despues a trata na sende su apartamento na kandela tambe.
Tabata imáhen di kamara a bin revelá ku ta e sospechoso aki a asesiná Mairet Domínguez Martínez dia 18 di yüni último.