Internashonal
Outoridatnan na Mexico a deportá: 40 inmigrante venesolano ku a bringa ku agentenan di inmigrashon
MEXICO – Mayoria di e inmigrantenan di Amérika Latina ku ta buskando pa drenta teritorio merikano ku no tin moda pa kumpra un pasashi tin ku hasi e sakrifisio pa bai Guatemala via Mexico pa asina yega frontera ku Merka.
E kaminda no ta fásil ya ku tin hopi opstákulo i traba di parti koyotenan i agentenan di inmigrashon na frontera entre Guatemala i Mexico.
Komo ku diariamente tin míles di inmigrante na frontera entre Guatemala i Mexico e situashon ta pone ku e hendenan aki mester pasa algun dia para den rei i tin biaha sin por keda kla.
Den e kaso aki ku temperaturanan kayente a pone ku un grupo di 40 venesolano kuminsá protesta, insultá i bringa ku agentenan di inmigrashon na frontera entre Guatemala i Mexico.
E daño ku e 40 inmigrantenan venesolanonan aki a hasi a pone ku nan por bien lubidá ku nan por sigi krusa frontera.
Pa lokual ta e aña aki kaba un total di 1.2 mion indokumenta di diferente pais den Amérika Latina i islanan den Caribe a trata na krusa frontera na Mexico pa drenta teritorio merikano.