Outoridatnan Colombiano: A ekstraditá e narkotrafikante di Clan del Golfo i otro tres persona

BOGOTA – Diego Molano minister enkargá ku relashonnan defensa na Colombia a konfirmá ku ayera nan a ekstraditá Juan José Valencia Zuluaga, alias “Falcón”, un di e prinsipal lidernan di Clan del Golfo.
Juan José Valencia Zuluaga, alias “Falcón” tabata dediká na finansiá e grupo kriminal Clan del Golfo.
Diego Molana a splika ku huntu ku Juan José Valencia Zuluaga korte di hustisia na Colombia a ekstraditá tres persona ku tabata metí den negoshi di narkotráfiko na Merka.
Dia 7 di mei último Juan José Valencia Zuluaga, alias “Falcón” a keda kaptura pa agentenan federal Colombiano na un kompleho di apartamento di luho na Medellin.
Segun informashon di e investigashon Juan José Valencia Zuluaga, alias “Falcón” tabata manda mensualmente 8 tonelada di kokaina for di suidatnan manera Barranquilla, Cartagena i Santa Marta pa destinashonnan manera Merka, Panamá, Hulanda, Repúblika Dominika, Guatemala i Bèlgika.