Ousilio pa muchanan i trahadonan di internaat Casa Manita

Willemstad – Pa basta aña kaba trahadonan pedagogiko i muchanan di Casa Manita ta sufri inhustamente bou di mal maneho di direktora sra. Haidelin Lovert Pieters i direktiva diario sra. Yvonne Isidora i penningmeester sra. Marlenne Gustina. Tin diferente kehonan duna dor di ex trahadonan i trahadonan aktual pero ta inkomprendibel kon bestuur ta keda sostene sra. Lovert siegamente den su echonan perhudikando asta muchanan. Maltrato abiertamente di mucha ta wordu asepta i skondí pa direktora sra. Lovert i tambe bestuur. Na momentu ku trahadonan pedagogiko ta sali pa derechi di e mucha(nan), direktora sra. Lovert i bestuur ta purba siliensia nan bos dor di impone medidanan sin sentido riba nan, siendo ta keda mantene trahado ku a komete akto di maltrato den servisio. Guia di e muchanan pa medio di un plan di guia, no ta wordu ehekuta debi na implementashon di un werkrooster nobo pa team pedagogiko ku no ta permiti esaki. Direktiva ta vosifera na instansia di un supuesto plan di guia ku ta djis un fábula. Direktora ta hasi kambionan drastiko riba rooster ku ta kibra ku tur regla i leinan laboral. Personal ta pidi direktiva i bestuur ousilio pero manera ya ta un kustumber no tin oido pa personal.