Ounke e lo ke algu ku e meresé: Xander dispuesto pa skucha oferta di Red Sox…

E shortstop estrea Arubano di Boston Red Sox ku ta Xander Bogaerts ta rekonosé ku e ta dispuesto pa skucha oferta di su tim pa kontinuá ku nan.
Bogaerts ku a firma pa 6 temporada pa $ 120.000.000 ku e organisashon di Red Sox lo por Sali for di e kontrakt despues di e temporada aktual.

E rumor ta hopi ku Red Sox lo kambia Xander paso nan lo no por tené.

Hasta nan ta papia di Cardenales ku lo tin mihó chèns pa hañ’é.

Bogaerts a bisa ku e ke disfrutá dje temporada aktual, i ku despues di temporada e ta habri pa skucha oferta, ounke e mester ta un oferta hustu basá riba su trabou den tereno i kompará loke otro peloteronan dje posishon ta kobra.