Otro sla pa direktiva di CSB: Juretty a retirá komo manager di selekshon…

Informashon ku deporte 5 Star tin konfirmashon di dje ta mustra ku “Coach” Juretty Weert Poulo a pidi su retiro komo manager di nos selekshon di sòftbòl femenino fastpitch ku tabata entrenando pendiente un kompromiso Internashonal na Bahamas na komienso di aña tratando na klasifiká pa Juegos Centro Amerikano y del Caribe.

E selekshon bou di maneho di Juretty a kuminsá train kaba, pero debí na play-off a baha e intensidat pa despues kontinuá ku e práktika pa e kompromiso tempran den 2023.

E representashon lo tin di bai Bahamas sin Juretty ku a tuma e desishon ku e ta renunsia e posishon di Manager.

Den un karta bunita na Ingles e dirigente femenino di Souax a gradisí pa e konfiansa ku nan a hinka den dje, i informá ku e no ta sigui na kabes dje selekshon.