Otro akto parotin…… Pisas ta sinta ku dienstgroep di prison ku no ta gesprekspartner

WILLEMSTAD. Tin reklamo di grupo den prison ku Minister Pisas ta schuif e kaso di reorganisashon den prison riba Minister Hato pero di Minister Hato tambe parse ku nan no ta tende nada. Nan ke sa si ta interes minister Hato no tin pa atende nan Landsbesluit pa trabounan sigui pero tantu Pisas komo Hato ta baiendo afo pero ki lo para di reorganisashon?
Nan tin hopi doló mientras tin hopi kos ku no por mira lus di dia na SDKK. Algun di nos a aserka sindikato pa wak kiko nan lo por hasi pa nos. Nan ta bisa ku ainda no tin Landsbesluit. Nos a sigui ku atenshon presentashon di SDKK den Staten. Dikon tantu bromamentu pa despues hala tras?? Otro kos inaseptabel ta ku minister Pisas algun dia pasa a sinta ku dienstgroep di prizon. Dienstgroep no ta gesprekspartner di minister. Tin personanan apunta den kada sindikato pa atende den reorganisashon. Ta laga nan un banda pa sinta ku dienstgroep. Minister Pisas a priminti e hendenan aki di dienstgroep kosnan durante periode di kampaña awor e ta hañe obliga pa kumpli ku nan.