Ortega a bisa ku nunka e tabatin rèspèt pa Obispunan di Nicaragua

MANAGUA – Daniel Ortega presidente di Nicaragua a revelá durante su diskurso na graduashon na skol di polis ayera ku nunka e tabatin rèspèt pa ningun Obispu na Nicaragua.
Esaki inkluyendo José Antonio Lezcano/ Ortega kende tabata e promé obispu na Managua entre 1913/ 1952.
Daniel Ortega a bisa ku Obispu José Antonio Lezcano/ Ortega tabata su tio/abuelo pero asina mes nunka e tabatin rèspèt pa su persona.
Daniel Ortega a bisa ku obispu José Antonio Lezcano / Ortega ta bai den historia komo un bèrgwensa debí ku e tabata su tio i alabes su abuelo.
E mandatario a bisa ku ela wak i tende asina tantu kos ku elo no por respetá ningun Obispu i tampoko pastornan ku durante último añanan ta metí den bastante barbaridat.
Naturalmente Daniel Ortega ta kontra di e religiosonan debí ku nan ta apoya oposishon i ta kontra su régimen.