Internashonal
Orkan Ian a plama: Suidatnan na parti West di Florida ku hopi bientu i áwaseru
FLORIDA – National Hurricane Center a konfirmá ku e wowo di e orkan Ian a yega ayera Florida ayera tardi ku bientunan di riba 150 miya pa ora ku ta ekivalente na (240 km/h).
Despues ku Orkan Ian a pasa duars riba Cuba ela sigi su rumbo manera National Hurricane Center a pronostiká pa Key West.
Lokual orkan Ian a bai laga atras na Key West tabata un desaster i asina a sigi bin ariba pa otro parti di estadonan di Florida manera Sarasota, Orlando, Tampa, Lake Land, Clearwater, St.Peteresburg, Gainsville i Tallahassee.
Den e kaso aki orkan Ian a pone ku awe un total di 2.4 mion habitante di diferente parti di Florida ta sin koriente.
Bastante dak di kas a bula bai i tin miónes di hende ku ta kedando den shelternan na diferente di e estadonan ku a keda menshoná ku orkan Ian a asotá ku hopi áwaseru i bientu.