Organisashon ELN a liberá 20 rehen despues di diálogo di pas ku gobiernu Colombiano

CARACAS – E delegashonnan di gobiernu di Colombia i geriya di ELN (Ejército de Liberación Nacional) ku ta hibando un diálogo di pas a sera e promé siklo di negoshá na Caracas ku un gran anunsio ku lo bai liberá 20 persona ku ta sekuestrá pa e organisashon geriyero.
Israel Ramírez alias Pablo Beltrán hefe di delegashon di ELN a bisa ku ya kaba dia 7 di ougùstùs an a liberá 20 persona i awor despues di e reunion ku gobiernu di Colombia lo bai liberá 20 rehen mas.
Entre e 2 rehennan ku ELN a sekuestrá na frontera ku Venezuela dia 21 di novèmber último tambe lo keda liberá segun palabranan di Israel Ramírez.
Den e negosiashonnan ku ta tumando luga na Caracas a skohe pa invitá konseheronan di Venezuela, Cuba, Noruega, Merka, Alemania, Suesia, Suisa i Spaña.