Òrdu públiko den kuadro di evento ‘Kareda di Garoshi’

WILELMSTAD – Relashoná ku e ‘Kareda di Garoshi ku lo bai tuma lugá djadumingu awor dia 7 di ougùstùs 2022 na Berg Altena, polis lo tei presente pa mantenshon di òrdu públiko i pa garantisá seguridat i libertat di tráfiko.
Lo no permití vehíkulonan mal stashoná riba entre otro asera, na bòrchinan di bùs i otro sitionan prohibí òf di tal manera ku ta stroba sirkulashon di tráfiko.
Tur kaya ku ta kondusí na i for di e sitio di evento, mester keda liber pa eventualmente vehíkulonan di emergensia por drenta i sali.
Manera ta e kaso na aktividatnan públiko, bebida i kuminda ta wòrdu sirbí den kùp i tayo di karton òf di plèstik i no ta permití benta di bebida alkohóliko ku personanan bou di 18 aña di edat.
En bista ku ta spera un kantidat grandi di persona ku lo bishita e aktividat aki, un apelashon ta bai na tur bishitante, pa keda kuida bo mes i otronan a base di medidanan di Covid-19. Ta spera un bon komportashon di tur esnan ku ta bishitá e evento aki i ku nan lo sigui instrukshon duná dor di esnan enkargá ku seguridat di e aktividat i di polis inmediatamente.