Orashon pa Gobernantenan di Pais Kòrsou

Spiritu Santu Konsoladó,
kende ta gusta di plama bo donnan riba mundu:
Nos ta pidi-Bo pa iluminá nos gobernantenan
i uni nan den un solo kurason, ku ta esun di Hesus.

Lus i union nos ta implorá-Bo, Spiritu Santu,
Abo ku ta e trankilidat infinito, pas sereno i union kumplí,
skucha nos i konsedé nos e grasianan ku nos ta pidi-Bo
humildemente.

Penetrá (den) inteligensia di esnan ku ta representá e
outoridat dibino, pa pas reina den nan.
Duna nan e donnan di sabiduria i konseho,
pa una bes ku e spiritu di eror i diskordia ta derotá,
nan hasi esfuerso pa krea i mantené òrdu, hustisia i pas den nos pais.

Sea Abo, Spiritu Santu, e vínkulo inkebrantabel
ku ta uni Abo ku tur pueblo riba tera:
konsedé nos e grasia di triunfá riba desunion i diskordia,
pa nos tur por biba pa sirbi Dios i nos rumannan den un
fuerte abraso di karidat.

Amèn.