Oportunidat pa inskribí pa forma parti di drumband

Willemstad, Hey hoben bo ta entre 11 pa 15 aña di edat ?

Bo ke forma parti di un grupo di scout kaminda bo por desaroya bo mes pa bo yega bo potensial maksimo den bida ?  Bo ke siña toka drumband ?

Si bo a kontesta tur e preguntanan ariba menshona ku un SI, bo ta keda kordialmente invita pa pasa inskribi bo mes, huntu ku bo mayor, djasabra dia

31 di oktober of  djasabra dia 14 di November entre 9or di mainta pa 12or di merdia na clubhuis di J.S. Schouwé  na Chuchubiweg z/n banda di Vigdys Mensingh college (antes Pire College). Si bo tin pregunta bo por tuma kontakto ku nos na tel. 511-8285.

Riba e dos fechanan ey tambe tin oportunidat pa inskribi mucha di 5 pa 10 aña di edad. Esakinan si ta bai riba wachtlijst pa na januari 2021 nan kuminsa den e grupo komo scout.

Mayornan ata bo chens pa bo inskribi bo yunan den un grupo di scout pa yuda bo ku su desaroyo.

Un boka bisa otro.