OPEP ta konsiderando pa suspendé Rusia den un akuerdo di produkshon di petrolio

VIENNA – Algun di e paisnan miembronan di OPEP ta studiando e idea di suspendé partisipashon di Rusia den un akuerdo di produkshon di petrolio.
E motibu dikon e paisnan miembro di OPEP ta konsiderando pa suspendé Rusia ta debí na e sanshonnan ku Merka i Paisnan den Union Europeo a imponé den nan kontra.
Miembronan di OPEP tin intenshon pa subi produkshon na un límite pa remplasá lokual ku Rusia tabata produsí.
E miembronan di OPEP ku ta deliberando riba e medida aki ta Arabia Saudita i Emirato Árabe Uni.
Mester tene kuenta ku for di 2019 e produkshon di petrolio di parti miembronan di OPEP tabata abou i a mantené esaki tambe.
Ta p’esei awor ku tin un demanda haltu pa e produkto petrolero i produkshon ta abou preis ta asina haltu.
Andrew Lipow presidente di Lipow Oil Associates na Houston a deklará ku e siman benidero aki desishon lo kai pa wak realmente si ta oumentá produkshon di krudo pa kubri ku lokual ku Rusia tabata produsí.