oleganan di CIBC FIRSTCARIBBEAN a keda elogiá pa nan kompromiso durante Dia di Apresio na empleadonan

Willemstad, – E koló di e dia tabata korá i e palabra di dia tabata apresio.
Rònt Karibe, na tur e 15 miembronan di e ret, na sukursal i na e ofisinanan, miembronan di e staf a keda risibí na trabou ku tapeit kora, trato speshal i mensahenan personalisá riba e dia dediká na empleado ku CIBC FirstCaribbean ta brinda na su 3000 koleganan ku ta laborá na e banko, kual ta ‘Dia di Apresio na Empleado 2022’.
Empleadonan di tur nivel na e banko regional a presentá na trahe ku diferente tono di e koló korá, di kua algún a hasta añadí sombré i artíkulonan pa komplementá na e dia, i a gosa di e dia yená ku un kantidat di aktividat pa fomentá unión i bon ambiente bou di e tema “Un Karibe: Kolaborando pa nos éksito”.
E banko su Chief Executive Officer, señora Colette Delaney, a tipifiká e dia komo “un di e dianan mas eksitante den nos kalènder korporativo”, notando ku “mientras e banko ta balorá e kontribushon di tur su empleadonan henter aña, riba e ‘Dia di Apresio na Empleadonan’ nos ta dediká tempu pa selebrá i honra boso tur ku a hasi nos e éksito regional ku nos banko ta”.
Delaney a añadi “Nos gratitut ta multipliká ora bo reflehá riba e ambiente di operashon yená ku reto ku nos mester a navegá durante di e último dos aña, komo resultado di e kompromiso apsoluto di nos tim na CIBC FirstCaribbean.
Boso kurashi, kreatividat, ingeniosidat, determinashon, aktitut korekto, fraternidat i sentido di humor a yuda nos pasa dor di e lunanan insigur na komienso di e pandemia di Covid.”
Señora Timba Engelhardt, Country Manager Curaçao, a kompartí ku “Nos na Kòrsou a tuma tempu e siman akí pa huntu selebrá ku varios aktividat yená ku bon ambiente. Sigur tabatin hopi momento tremendo yená ku legría. Nos ta kontentu ku e kompromiso di nos koleganan i nan dedikashon na banko.”
Chief Administrative Officer, señor Neil Brennan, den un mensahe kòrtiku pa tur kolega na e banko a bisa “Nos por ta den 15 teritorio pero nos ta un banko sólido, un tim. Awe mi ta gradisí boso pa a hasi nos banko un éksito i tené na kabes den region.”
Tambe e la bisa ku “e último dos añanan a tèst i reta nos tur, tantu personalmente komo profeshonalmente. Nos mester a siña traha, divertí i sosialisá den un sistema nobo ku no tur ora tabata asina fásil, pero den henter nos banko boso a duna kara na e retonan i a sobrepasá nan.”
Koleganan rònt henter teritorio pa medio di téknologia a sobrepasá e distansha, i huntu a gosa di un dia yená ku interakshon, ku aktividatnan manera ‘One Caribbean Fun Zones’, diferente kwes durante dia, e wega hopi disfrutá kual ta ‘Pictionary’ i aktividatnan manera ‘Guess whose workspace’.
Tambe koleganan tabatin diskushonnan animá ku ehekutivonan i personal gerenshal durante di e seshonnan ‘Let’s Chat’.