Notisia di polis; Baiskel hòrtá for di pòrch

Riba djadumingu 9 di mei a drenta keho di ladronisia di un baiskel kolo pretu di marka Ghost, modèl ‘mountainbike’.
Entre djasabra 8 di mei i djadumingu 9 di mei deskonosínan a bai ku e baiskel. E baiskel tabata stashoná den pòrch di kas situá na Kaya Hulanda i no tabata na lòk.
Hòmber ta kai for di bròmer dor di kaminda gròf

Alrededor di 11.50 or riba djadumingu 9 di mei, sentral di polis a risibí notifikashon di un aksidente riba Kaya Nikiboko Sùit. Shofùr di un bròmer a slep riba kaminda i kai.
Ambulans a transporte pa hospital pa tratamentu médiko. Shofùr di ‘quad’ ta haña but pa hòp

Riba djabièrnè anochi, pa mas o ménos 12.30 or a duna shofùr di un ‘quad’ but dor ku e tabata hòp riba karetera públiko ku un pasahero patras sinta. El a haña un prosèsferbal pa butamentu di ‘fever’ i tambe pa manehá sin hèlm adekuá bistí. A konfiská bròmer

Durante di un patruya a para un bròmer ku tabata manehá sin plachi di number pa kontrol. A konfiská e bròmer komo ku e no tabatin plachi di number.

Trùk a bòltu
Riba djabièrnè 7 d mei, alrededor di 11.25 or di mainta a drenta notifikashon ku un trùk a bòltu riba Kaya Korona. Na e sitio a resultá ku en bèrdat tabatin un trùk riba su banda
robes di bòltu riba Kaya Den Stashi, ku durante e bòltumentu a okashoná daño material na dos otro vehíkulo mas. Shofùrnan di tur tres e vehíkulonan tabata ileso. Ambulans a
bin na e sitio tòg pa chek un ke otro. A resultá ku shofùr di e trùk no tabatin reibeweis ni seguro bálido i el a haña un prosèsferbal pa tur dos e violashonnan aki. Algu mas lat pa
mas o ménos 12.20 or un aksidente entre un outo i un pikòp ‘flatback’ a tuma lugá riba Kaya Nikiboko Sùit. E pikòp ‘flatback, pa motibu deskonosí, a kore dal patras di e outo. Shofùr
di e outo tabatin doló na su lomba i personal di ambulans a asistié na e sitio mes.