Nos pais ta evaluá riba nivel 2…… Kòrsou tin un historial malu den lucha kontra trafikashon humano

WILLEMSTAD. Departamentu di Estado merikano ta evalua e esfuerso i akshonnan di nos gobiernu kontra trafikashon humano i ta evaluá esaki pa despues nan a emití un rapòrt riba e funshonamentu di pais Kòrsou.
Ta evaluá e paisnan a base di e kriterionan establesé.
Te ku 2018, a evaluá Kòrsou na nivel 2. Nivel 2 ta inkluí paisnan ku no ta kumpli kompletamente ku e normanan mínimo, pero ku ta hasiendo esfuersonan pa kumpli ku nan. For di 2019, a pone Kòrsou riba e “watchlist” di nivel 2.
Den e ultimo sinku añanan, a risibi un total di 31 denunsia di viktimisashon pa trafikashon di hende.
Di e total aki, 22 a ser kondená.
Esaki ta nifiká ku e pais a hasi un esfuerso importante, pero no a aportá prueba di e oumento di esfuersonan pa kombatí trafikashon di hende den e aña anterior.
Esaki ta posibel danki na e oumento di investigashonnan penal, persekushonnan i e kondenanan realisá na nivel lokal, e oumento di asistensia ofresé na viktimanan i e redukshon di komplisidat den trafikashon di hende dor di funshonarionan públiko.
E sa sosodé tambe ora ku e kantidat di víktima oumentá konsiderabelmente i e pais no tuma medidanan konkreto i proporshonal.
Un puesto riba e “Watch List” di Nivel 2 ta nifiká ku Kòrsou tin un historial malu kontra di trafikashon di hende.
Pa sali for di e situashon malu aki, e Grupo di Trabou pa ku trafikashon di ser humano den e ultimo tres añanan a presentá varios propuesta di maneho ku a ser ratifiká dor di Konseho di Minister. Por haña e wèpsait i e Facebook riba e lenk di “Human Trafficking Prevention Curaçao”.