Nort Korea a bolbe lansa misil den direkshon di Hapon

PYONGYANG – Choe Son-hui Minister Enkargá ku Asuntunan di relashonnan Eksterior na Nort Korea a atvertí ku si Merka i paisnan miembro di OTAN mester sigi reforsá strategia di imponé sanshon riba nan pais nan lo bai intensiva atakenan kontra Hapon i Sur Korea.
E atvertensia aki a tuma luga despues ku Nort Korea a lansa un misil balistiko ku a bai kai den awanan teritorial di Hapon.
Choe Son-hui a splika ku nan lo sigi intensiva nan lansamentunan di misilnan balistiko i lo desafiá Merka i aliadonan di OTAN sin ku nada pasa.
Antony Blinken sekretario di estado merikano a tene un rueda di prensa awe mainta relashoná ku e komentarionan di Choe Son-hui ku ta desafiá Merka i aliadonan di OTAN i tabatin komo komentario ku Kim Jong Un ta hungando ku kandela te na momentu ku e kima su kurpa.