Norman, “Nooi” Girigorie, DT di nos futbòl: “E mundial a bira interesante”..

Deporte 5 Star a kombersá ku e DT mas ganadó di tur tempu di nos futbòl ku ta Sr. Norman, “Nooi” Girigorie i pa tende di dje kon e ta hañando e mundial di futbòl ta bayendo.
“Nooi” a disfrutá di e wega di ayera entre Spaña i Alemania. E ta haña ku Spaña a dominá, i ku Alemania semper peligroso den kontragolpi.
“Nooi” a bisa di ta kontentu ku Costa Rica a dal Hapon di manera ku fanatikonan di Costa Rica por lubida e derota di bèrgwensa vs Spaña.
· Pa loke ta e selekshon ku “Nooi” ta simpatisá, esta Ulanda, e la bisa ku e selekshon Ulandes no a hunga bon, i ku nan sistema ta debilitá nan defensa.
Danki Dios ku nan tin 4 punto i lo pasa pa e siguiente buèlta.
Segun “Nooi”, si Ulanda ke sigui avansá nan tin di hasi kambio na nan sistema di hunga..
· Brazil a hunga bon, pero awor nan tin di demostrá nan potensial sin Neymar den aliniashon…