No tin personal pa organisá Senso e aña aki

WILLEMSTAD –Pa falta di personal e aña aki, Ofisina Sentral di Statistik no por organisá Senso na Kòrsou. Direktor di CBS, Sean de Boer a bisa ku mester a warda riba diferente proseso i sen i varios aspekto mas ku a pone ku Senso no por sigi. Ta pesei, segun de Boer a pospone e senso di e aña aki pa maart 2023.
Sean de Boer, a splika ku ultimo ananan CBS a perde hopi personal. Aworaki e ofisina ta pendiente pa habri vakatura pa tan pronto posibel, e dispone di mas trahado.
Segun de Boer, nos komo pais, sin mustra dede riba ningun hende, mester realisa importansia di statistic i di estadistikanan. De Boer ta laga esaki na huisio di kada mandatario i politiko. ‘’Si nos ke desaroyá nos pais manera mester ta, mester inverti den dje.’’. Asina de Boer a bisa.
Ofisina Sentral di Statistik ku ta kai bou dje ministerio di Maneho, Planifikashon i Servisio Publiko, a informa minister Ornelio Martina di e situashon na CBS. E minister sa dje preokupashonnan i de Boer ta asumi ku minister Martina ta trese e asuntu na diskushon den Konseho di Minister.
Mas tantu tempu pospone senso, no por dispone di sierto datanan ku ta nesesario pa maneha pais. Konsekuensia di esaki ta, ku maneho ta bira difisil pa traha. E situashon na CBS ta rekeri hopi sentido di kreatividat pa keda motiva e trahadonan.
Pero na dado momentu e kreatividat aki tambe ta kaba. Asina por konklui for di deklarashon di Sean de Boer.
ku mester ta kreativo, purba outomatisa i stimula trahado pa hasi otro kos aserka, e ta kansa bo.