No tin ningun tipo di control Prijs di palo a subi cu 40% y prijs di comestibles ta aumenta tur dia

ORANJESTAD-Economia a cuminsa draai bek, turismo ta sigui crece den un forma impresionante, pero realidad di e situacion aki tambe ta cu costo di bida ta birando dia pa dia mas caro, sin cu Gobierno tin un control pa yuda proteha interes di consumidor.

Mientras cu e desaroyo economico aki ta bayendo den rumbo positivo, riba mercado laboral ainda tin hopi cos pa regla, situacionnan pa atende cu nan caminda ta abusando cu interes di trahadornan cu ta liña recta contra leynan laboral di Aruba.