No ta bale la pena mas sigi papia ku gobièrnu lokal riba rekorte di 12.5% !

WILLEMSTAD – Na kas, e sindikatonan no ta logrando ku gobièrnu pa eliminashon di e 12.5 porshento rekorte pa amptenarnan. Durante dje enkuentro ku sindikatonan di islanan CAS huntu ku Surnam, a organisa e siman aki, a disidi ku nan ta bai Hulanda dirèkt ku e asuntu aki.
George Hernandez, presidente di ABVO a bisa na klousura dje enkuentro sindikal, ku nos ta konfrontando retonan hopi grandi, manera e rekorte di 12.5 porshento mientras ku tur hende ta na altura ku di parti di reino, a bisa ku mester realisá un suavisashon. ‘’Pero pa loga esaki, Reino ta pone kondishonnan pa gobiernunan di kada ún di e islanan. E kondishonnan ta hopi pisá’’.
Hernandez a bisa ku despues ku e siman aki e sindikatonan a analisá e situashon, a yega na e desishon ku mester eleva e topiko. Si kada bes bai serka gobièrnu ku na su turno ta bisa ku ta ta Hulanda ta pone e kondishonnan, no ta ta bale la pena pa sigi papia ku gobièrnu. ‘’Si ta serka papa Dios mester bai, nos ta hasie’’.
E sindikatonan lo splika Hulanda, e situashon sosial ku e paisnan ta pasando aden. Lo menshoná tambe ku e forsa di kompra di e klase trahadó, dia pa dia ta bai mas atras. Tin un inflashon di 3,4 porshento i ta for di 2013 a paga e empleado públiko, pa e inflashon. Esaki ta nifika segun Hernandez, ku e amptenar a bai atras atraves di añananan ku 13 porshento. Riba esei, na 2021 a realisa e rekorte di 12.5 porshento. Ku hopi insistensha Hernandez a bisa ku kosnan no por sigi bai asina aki pa e empleado públiko.
Sindikatonan di CAS ta bai Eleva na e punto mas altu, ku ta na Hulada.e asuntu aki pa bai splika nan bou di kua kondishon e pueblo di Korsou i esun di e otro islanan ta bibando aden.
Juan Louens, presidente di sindikato Straf a bisa ku ta tur e islanan mester atende ku e rekorte di 12.5%. ‘’Nos lo eleva e problema na nivel di reino. Ta parse ku gobièrnunan no por disidi riba nan mes, ki dia lo pone un final’’. Mientrastantu e empleado publiko ta sigi bai atras. Segun Lourens, awor tin un seri di kondishon pa kita e 12.5%. Lourens ta rechasa e situashon kaminda ku t aemplebado públiko só ta karga e medidanan i mester bira viktima di mal gobernashon. ‘’E siman aki ta bai pone un basta na esaki. E abuso di empleado públiko i trahadónan den enseñansa no por sigi asina aki’’, Juan Lourens a bisa.
Sekretario di Estado Alexandra van Huffelen (Relashonnan den Reino) ke duna espasio na e paisnan pa para e rekorte di 12,5% riba salario. A introdusí e rekorte riba salario na mitar di aña 2020 komo konsekuensia di e pandemia di corona komo muestra di solidaridat den direkshon di e merkado i pa redusí gastu di gobièrnu na e paisnan. Sekretario di Estado ta haña ku awor ku kosto di bida diario ta oumentá mas i mas, mester rekonsiderá e rekorte salarial di 12,5%.
Sekretario di Estado Van Huffelen: “Kosto di bida normal a oumentá drástikamente último tempu entre otro pa motibu di e guera na Ukrania. Hopi hende ta lucha ku gastu haltu di por ehèmpel produkto di alimentashon i hür. Ademas, awor ku e ekonomia ta rekuperando e eksigensia pa redusí salario ku 12.5% no tin mesun peso mas kompará ku e oumento di kosto di bida. Banda di esaki, pa kontratá personal ta bira kada bes mas difísil, miéntras bon personal ta di gran importansia. Ku esaki mi ke duna e mandatarionan espasio pa segun propio ritmo, eliminá e 12,5%.”