No por keda kla ku seguro pa kandela den Muebleria Marchena

WILLEMSTAD. Aki dos siman korte di Hustisia lo kontinua ku e kaso sivil pa kaba di determiná ta kuantu seguro mester paga e doño di Muebleria Marchena.
Nan abogado ta mr. Chester A. Peterson mientras ku su rival den korte lo ta abogado Kuster di Nagico.
Foi 23 di september a someté e kaso na konsiderashon di korte despues ku e deposito i pakus na Grenadaweg a kima ku tur merkansia.
E inventario tabata sigurá pa NAf 745.000 plus un seguro di 850.000 florin nombrando Vidanova komo benefisiario.
Na mesun tempu nan tabatin merkansia na balor di 489.000 i e polisa ta bisa ku doñonan dje pakus mester proba e daño ku dokumento.
Na ougustus di 2019 e eksperto Sedgwick
a konstatá ku e daño ne edifisio i showroom tabata 690.350 florin.
Nagico tambe a traha un rapòrt i a konstatá ku e showroom no ta basta grandi pa almasená pa warda tur e merkansia ku nan ta reklama a kima.
Nagico a bai di akuerdo pa paga Vida Nova Bank ANG. 675,467.85.
Pa muebelnan ku a bai pèrdí den show i deposito e kompania tin ku warda te ora nan haña prueba ta kiko a kima spesifikamente i no por paga ainda.
Nagico a paga e muebleria NAf 686.643,83 plus shenmil florin pa merkansia a kima pero Nagico a bisa ‘niet thuis’.
Doñonan dje muebleria a pidi wes pa Nagico paga Vidanova Bank pa daño ne edifisio.
Nagico mester paga Vidanova Bank NAf 850.000 más 25.000 florin.
Ademas Nagico mester anulá e dokumento ku nan a laga e doñonan firma kaminda nan ta diskulpa Nagico di paga un parti dje debe.
Dado doñonan dje muebleria kier kanselá e papel ku nan a firma eksonerando Nagico di kobra sierto suma pasobra kasá dje doño no a firma, pero wes a manda nan bai sosega.
Pa tuma un desishon den e kaso kontroversial, wes lo tene seshon dia 22 di september awor pa por dikta veredikto.