Nicolas Maduro a yega Catar pa fortalesé agènda di koperashon

DOHA – Nicolas Maduro presidente di Venezuela huntu ku su kasa Cilia Flores i un delegashon bastante grandi a yega Catar ayera den e konteksto di su gira Europa/Asia/Medio Oriente.
E mandatario venezolano tin un agenda amplio pa atendé kuné ku gobernantenan na Catar.
E intenshon di e gira di Nicolas Maduro na Catar ta pa konsentrá riba e área di siensia i teknologia, agrikultura, transporte, energia, turismo i kultura.
Na aeropuerto di Catar Nicolas Maduro a keda risibí ku tur e onornan komo presidente di Venezuela pa SultanBinSaadAl- Muraikhi minister enkargá ku asuntunan eksterior.
Ta parse ku Nicolas Maduro ta riba un mishon pa kuminsá drecha situashon ekonómiko/finansiero na Venezuela i ta haña koperashon sigur di lidernan di Turkia, Argelia, Iran i Kuweit ku ta wak posibilidat di hasi negoshi na Venezuela komo un potensia mundial petrolero.