Nicolás Maduro a anunsiá ku pronto Venezuela lo bai asamblea outonan Iraní

CARACAS – Nicolás Maduro presidente di Venezuela a anunsiá ku pronto lo bai kuminsá ku asambla outonan Iraní ku ta destiná pa keda bende na vários pais den Amérika Latina.
Nicolas Maduro a splika ku ya nan ta asamblando ekiponan pisa ku teknologia Iraní pa agrikultura.
Tin indikashon ku e outonan lo bai kosta entre $12.000 pa $16.000 i ku ta trata di vehíkulonan ku ta super efisiente na konsumo di kombustibel.
Lokual ku tin na informashon ta ku e vehíkulonan aki tin un motor ku ta usa solamente 1 liter riba kada 100 kilometer.
E fábrika ku ta bai asambla e vehíkulo nan aki yama Expoferia Científico Tecnológica Industrial Irán-Venezuela ku ta bai establesé na parke industrial na Valencia. Lokual ku ta interesante den e kaso aki ta ku un hende ku ta gana un suèldu mínimo na Venezuela ta gana $28 mensual.
E gran pregunta na Nicolas Maduro ta ku ken elo bai bende e outonan ku lo keda asambla na Venezuela ya ku salario mínimo den e pais mes ta apénas $18.
Kon un suidadano ku ta gana salario mínimo por kumpra un outo ku ta kosta entre $12.000 pa $16.000