Nashonnan Uni a akusá: Prínsipe heredero di Arabia Saudita di laga ehekutá 12 persona den 14 dia

NEW YORK – Liz Throssell komisionado di Nashonnan Uni pa derechonan humano a akusá Mohammed Ben Salman prínsipe heredero di Arabia Saudita di laga ehekutá 12 persona den apénas 14 dia.
Segun Liz Throssell esaki a tuma luga miéntras ku prínsipe heredero Mohammed Ben Salman si ta gosando di mundial di futbòl na Qatar.
Lokual ta di lamentá segun Liz Throssell ku prínsipe heredero Mohammed Ben Salman no a kibra su kabes ku nada pa motibu ku e ta un di e hòmbernan mas poderoso riba e planeta aki.
Liz Throssell a splika ku ta parse ku prínsipe Mohammed Ben Salman tin e lisensia pa ordená ehekushon di suidadanonan di Arabia Saudita ku ta kontra su maneho.
Liz Throssell a finalisá indikando ku presidente Joe Biden tin ku tuma akshon i ordená detenshon inmediato di prínsipe Mohammed Ben Salman probechando ku e ta na Qatar pa wak mundial di futbòl.